पहिले पहिले हम कईनी – छठ पूजा के गीत । Pahile Pahil Hum Kaini Chhathi Maiya Geet Lyrics in Hindi

पहिले पहिले हम कईनी,
छठी मईया वरत तोहार ,
छठी मईया वरत तोहार…

करिह छमा छठी मईया,
भूल-चुक गलती हमार ,
भूल-चुक गलती हमार…

गोदी के बालकवा के दिह,
छठी मईया ममता दुलार ,
छठी मईया ममता दुलार ,

पिया के स्नेहिया बनइहा,
मईया दिह सुख सार ,
मईया दिह सुख सार..

नारियल केलवा घवुद्वा ,
सजल नदिया किनार ,
सजल नदिया किनार..

सुनिह अरज छठी मईया ,
बढे कुल परिवार ,
बढे कुल परिवार…

घाट सजवानी मनोहर,
मईया तोर भक्ति अपार ,
मईया तोर भक्ति अपार…

लिही न अरगिया हे मईया,
दिही आशीष हज़ार,
दिही आशीष हज़ार…

पहिले पहिले हम कईनी,
छठी मईया वरत तोहार ,
छठी मईया वरत तोहार…

करिह छमा छठी मईया,
भूल-चुक गलती हमार ,
भूल-चुक गलती हमार…
भूल-चुक गलती हमार…